Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi

Bazar, 19 May 2024

Xəbərlər

“Heydər Əliyev və ailə dəyərləri” mövzusunda film və foto müsabiqəsinin qalibləri mükafatlandırılıb

31.10.23 17:42

		
	View the embedded image gallery online at:
	
	http://www.aqupdk.nakhchivan.az/mtbuat-xidmti/xbrlr.html?start=45#sigProIda4b72a1779

Ümummilli Lider Heydər Əliyevin anadan olmasının 100 illik yubileyi münasibətilə 2023-cü il 31 oktyabr tarixdə Naxçıvan Muxtar Respublikasının Ailə,Qadın və Uşaq Problemləri üzrə Dövlət Komitəsinin təşkilatçıllığı ilə “Heydər Əliyev və ailə dəyərləri” mövzusunda film və foto müsabiqəsi qaliblərinin mükafatlandırılması ilə bağlı tədbir keçirilib.

Tədbir Azərbaycan Respublikasının Dövlət Himninin səsləndirilməsi, Ümummilli Lider Heydər Əliyev, akademik Zərifə Əliyevanın və şəhidlərin əziz xatirələrinin bir dəqiqəlik sükutla yad edilməsi ilə başlayıb.

Ümummilli Lider Heydər Əliyevin zəngin mədəni irsini əks etdirən film nümayiş edilib.

Sonra Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidova çıxış edərək qeyd edib ki, Komitə tərəfindən keçirilən müsabiqələr artıq ənənə halını alıb. Bu gün təşkil edilən tədbir cari ildə elan edilmiş Ümummilli Lider Heydər Əliyevin anadan olmasının 100 illik yubileyi münasibətilə “Heydər Əliyev və ailə dəyərləri” mövzusunda film və foto müsabiqəsi daha da önəm daşıyır. R.Seyidova bildirib ki, ölkəyə rəhbərlik etdiyi bütün dövrlərdə millətin gələcəyinə, təhsilin,  səhiyyənin, iqtisadiyyatın, mədəniyyətin,  ailə, qadın və uşaq  siyasətinin hərtərəfli inkişafına həmişə qayğı ilə yanaşan ümummilli lider ailənin cəmiyyətdəki rolunu xüsusi qeyd edərək deyirdi:”Ailə dəyərləri, ailə ənənələri, milli-mənəvi dəyərlərimizə sədaqət, uşaqların müasir səviyyədə tərbiyəsi mühüm əhəmiyyət kəsb edir”.

Komitə sədri ailənin mahiyyətini, ailə üzvlərinin vəzifə və hüquqlarını xüsusi maddələrlə müəyyən edilməsində və bütün bu deyilənlərin müstəqil dövlətimizin əsas qanunu olan Konstitusiyada öz əksini tapmasında Ümummilli lider Heydər Əliyevin rolunun danılmazlığından bəhs edib.

Ulu Öndərin heç bir Azərbaycan ailəsinə laqeyd qalmadığını bildirən R.Seyidova Azərbaycanda ailə adətlərinin ləyaqətlə davam etdirilməsi üçün hər cür imkan və şəraiti yaratdığını, bu işdə dəstəyini xalqdan əsirgəmədiyini bildirib. Ümummilli lider Heydər Əliyevin tarixdə silinməz iz qoyan nəsil şəcərəsi, eləcə də özünün nümunəvi ailə tarixçəsi, onun müqəddəs ocağının layiqli davamçıları –Prezident İlham Əliyev və Birinci vitse –prezident Mehriban Əliyevnın ailəsi cəmiyyətimizə, xüsusən də gənclərə böyük örnəkdir.

Azərbaycan xalqının çox gözəl və zəngin milli ailə ənənələri, vətənpərvərlik  dəyərləri mövcuddur. Bax elə bu vətənpərvərlik dəyərlərinin güclü olmasının nəticəsidir ki, 30 il işğal altında olan torpaqlarımız vətənpərvərlik ruhunda böyüyən igidlərin canı, qanı bahasına işğaldan  azad olunub, öz müstəqilliyinə qovuşub.

Sonda R.Seyidova film və foto müsabiqəsinin qaliblərini təbrik edərək, onlara uğurlar arzulayıb.

Azərbaycan Milli Elmlər Akademiyasının Naxçıvan Bölməsinin Tarix, Etnoqrafiya və Arxeologiya İnstitutunun şöbə  müdiri Asəf  Orucov müsabiqənin keçirilməsinin vacibliyindən,  zəngin ailə dəyərlərindən bəhs edərək, müsabiqə  qaliblərini təbrik edib.

Tədbir müsabiqə qaliblərinin diplom, hədiyyələlərlə mükafatlandırılması və qalib müsabiqə iştirakçısının təqdim etdiyi “Azərbaycana adanan ömür” filminin nümayişi ilə başa çatıb.

“Azərbaycan qadını - bir əsr öncə və bu gün” mövzusunda konfrans keçirilib

30.10.23 17:39

		
	View the embedded image gallery online at:
	
	http://www.aqupdk.nakhchivan.az/mtbuat-xidmti/xbrlr.html?start=45#sigProIdb98b7ccafd

2023-cü il 30 oktyabr tarixdə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsində Azərbaycan Xalq Cumhuriyyətinin 105 illiyi münasibətilə  “Azərbaycan qadını -  bir əsr öncə və bu gün” mövzusunda konfrans keçirilib.

Konfransı giriş sözü ilə açan Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədr müavini Aytən Məmmədova konfrans iştirakçılarını salamlayıb və təbrik edərək  bildirib ki, Azərbaycan Xalq Cumhuriyyəti qısa müddət ərzində fəaliyyət göstərməsinə baxmayaraq, 1918-1920-ci illər Azərbaycan tarixinin xüsusi səhifəsini təşkil etməklə yanaşı çoxəsrlik tariximizdə mühüm yer tutur. Qadınların ilk səsvermə hüququndan ötən 105 illiyində də hər zaman mənəvi keyfiyyətlərinin zənginliyi ilə seçilən qadınlar ölkənin mədəni, ictimai və siyasi həyatında fəallıq göstərdiyini qeyd edən A.Məmmədova Azərbaycan qadınının malik olduğu tarixi ənənələrlə yanaşı, ölkədə həyata keçirilən gender siyasətinin mahiyyətindən, qadınlara cəmiyyətin tamhüquqlu üzvü kimi bütün imkanlardan bərabər istifadə üçün zəruri şəraitin yaradılmasından irəli gəldiyini vurğulayıb. Tarixin yaddaşına çevrilmiş 1918-ci ildə seçib-seçilmək hüququ qazanan Azərbaycan qadını böyuk inkişaf yolu keçmiş, cəmiyyətin inkişaf etməsinin səbəbkarı, iştirakçısı olmuş və uğurlar əldə etmişdir. Ümummilli lider Heydər Əliyevin ali hakimiyyətə ikinci qayıdışından sonra qadın problemlərinin həllində əsaslı dönüşə nail olunmuş, dövlət qadın siyasəti daha da gücləndirilmiş, qadının cəmiyyətdəki fəallığının artırılması üçün konkret addımlar atıldı, ölkədə dövlət qadin siyasətinin həyata keçirilməsi üçün qanunvericilik bazası yaradıldığı bildirilib. Azərbaycan Respublikasının Prezidenti cənab İlham Əliyevin həyata keçirdiyi sosial-iqtisadi siyasətin nəticəsi olaraq ölkədə yaradılan şərait qadınların ictimai-siyasi və sosial-mədəni həyata daha fəal cəlb olunmasını şərtləndirdi. Azərbaycan Respublikası Prezidentinin 2006-cı il 10 oktyabr tarixli Fərmanı ilə qəbul edilmiş “Gender (kişi və qadınların) bərabərliyinin təminatları haqqında” Azərbaycan Respublikası Qanunu ölkədə gender bərabərliyinin təmin edilməsi üzrə dövlət siyasətinin əsas istiqamətlərinin müəyyən edilməsində əhəmiyyətli rol oynamışdır. Qadınların bütün uğurlarının təməlində dövlətin böyük diqqəti, dəstəyi və davamlı qayğısının dayandığını bildirən A.Məmmədova bundan sonra da qadınların gələcək nəsillərin milli-mədəni irsə adət-ənənələrə hörmət ruhunda tərbiyəsində var qüvvələrini sərf edəcəklərini, müstəqil ölkənin daha da çiçəklənməsinə layiqincə xidmət göstərəcəklərini qeyd edib.

Mövzu ətrafında Naxçıvan Qızlar Liseyinin direktoru, Naxçıvan Muxtar Respublikası Ali Məclisinin deputatı Aidə Allahverdiyevanın və Naxçıvan Dövlət Universitetinin Tarix - filologiya fakültəsinin “Azərbaycan Tarixi” kafedrasının dosenti, tarix elmlər doktoru Sevinc Abbasovanın çıxışları dinlənilib.

Azərbaycan Xalq Cümhuriyyətinin 105 illiyi ilə bağlı cari il ərzində “Naxçıvan qadınları 1918-2023-cü illərdə” yazı müsabiqəsi elan olunub, müsabiqənin qalibləri məyyənləşdirilib və konfransda qaliblərə diplomlar və hədiyyələr təqdim olunub.

Konfrans Naxçıvan Qızlar Liseyinin şagirdlərinin ifasında  kompozisiyanın nümayiş olunması ilə başa çatıb.

Ailə, Qadın və Uşaq Problemləri üzrə Dövlət Komitəsinin sədri Bahar Muradova Naxçıvan Muxtar Respublikasında vətəndaşları qəbul edib.

26.10.23 17:35

 
	View the embedded image gallery online at:
	
	http://www.aqupdk.nakhchivan.az/mtbuat-xidmti/xbrlr.html?start=45#sigProId4a6868b430

26 oktyabr 2023-cü il tarixində keçirilən qəbulda Naxçıvan şəhər, Babək, Culfa, Kəngərli, Ordubad, Şahbuz və Şərur rayon sakinlərinin müraciətləri dinlənilib.

Qəbuldan öncə Ümummilli lider Heydər Əliyevin abidəsi önünə gül dəstələri qoyulub, əziz xatirəsi ehtiramla yad edilib.

Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidovanın və AQUPDK-nın aidiyyəti struktur bölmələri rəhbərlərinin də iştirakı ilə baş tutan qəbulda vətəndaşların müxtəlif mövzularda müraciətləri dinlənilib. Mövzular əsasən alimentin ödənilməsi, vəkillə təmin olunma, atalıq məsuliyyətinin yerinə yetirilməməsi, işlə təmin olunma, uşaqla ünsiyyət, məişət zorakılığı,  uşaqların himayəyə verilməsi, müalicəsi, təhsilinə dəstək və digər məsələlərlə bağlı olub.

Vətəndaşların Komitənin səlahiyyət dairəsinə aid müraciətləri dinlənilib, qaldırılan məsələlərin hərtərəfli öyrənilməsi və qısa müddətdə həll edilməsi üçün müvafiq tapşırıqlar verib. Həlli araşdırma tələb edən müraciətlər qeydə alınaraq, icraata götürülüb.

Qeyd edək ki, görüş mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən keçirilib.
 

Gender zorakılığı və uşaqlara qarşı zorakılıq üzrə monitorinq qrupuna təlim keçirilib

25.10.23 16:55

 
	View the embedded image gallery online at:
	
	http://www.aqupdk.nakhchivan.az/mtbuat-xidmti/xbrlr.html?start=45#sigProId829bcc8b71

2023-cü il 25 oktyabr tarixdə Azərbaycan Respublikasının Ailə, Qadın və Uşaq Problemləri üzrə Dövlət Komitəsinin və  Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə  rayon, şəhər icra hakimiyyətləri yanında yaradılmlış Gender zorakılığı və uşaqlara qarşı zorakılıq üzrə Monitorinq qruplarının üzvləri üçün təlim keçirilib

 
	
		Ardını oxu...

Azərbaycan Qadınlarının VI Qurultayının açılış mərasimi başa çatıb

19.10.23 16:14

Ölkəmizdə qadın hərəkatının əsasını qoymuş Ümummilli lider Heydər Əliyevin 100 illik yubileyi, eyni zamanda ilk Qadın Qurultayının 25 ili münasibətilə keçirilən Azərbaycan Qadınlarının VI Qurultayı öz işinə başladı.

Qurultaydan öncə  iştirakçılar Fəxri Xiyabanı ziyarət edib, xalqımızın Ümummilli Lideri Heydər Əliyevin Görkəmli oftalmoloq alim, akademik Zərifə xanım Əliyevanın xatirəsini yad edib, məzarı önünə gül dəstələri düzüblər.

Qurultayın açılışında Ulu Öndər Heydər Əliyevin və torpaqlarımızın azadlığı uğrunda canından keçən şəhidlərimizin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib.

Daha sonra “Heydər Əliyev və Dövlət Qadın siyasəti” haqqında film nümayiş etdirilib.

Azərbaycan Respublikası Prezidenti Administrasiyasının Humanitar siyasət, diaspora, multikulturalizm və dini məsələlər  şöbəsinin müdiri Fərəh Əliyeva Prezident cənab İlham Əliyevin Qurultay iştirakçılarına təbrik məktubunu səsləndirib.
Ardınca açılış nitqləri dinlənilib.

Qurultayı açıq elan edən Ailə, Qadın və Uşaq Problemləri üzrə Dövlət Komitəsinin sədri Bahar Muradova dövlət qadın siyasəti ilə bağlı məruzə ilə çıxış edib. O, aparılacaq müzakirələrin, qəbul ediləcək qərarların bu sahətə töhfə verəcəyinə inanamını bildirib, Qurultayın işinə uğur arzu edib.

Daha sonra  Baş nazirinin müavini Əli Əhmədov, Türkiyənin Ailə ve Sosial Xidmətlər naziri Mahinur Özdəmir Göktaş, Milli Məclis sədrinin müavini Adil Əliyev, BMT-nin ölkəmizdəki rezident-əlaqələndiricisi Vladanka Andreeva, İnsan Hüquqları üzrə Müvəkkil Səbinə Əliyeva, Tacikistan Respublikasının əmək, miqrasiya və məşğulluq nazirinin müavini Nodiri Şaxnoza Anvar, Beynəlxalq Türk Mədəniyyəti və İrsi Fondunun prezidenti Günay Əfəndiyevanın çıxışları dinlənilib. Qadınların hüquqlarının təmin olunması istiqamətində fikir və təkliflər səsləndirilib.

Çıxışlardan sonra BMT-nin Qadınlara qarşı ayrı-seçkiliyin ləğv olunması üzrə Komitəsinin sədri Ana Pelaez Nervaezin video-təbriki dinlənilib.

Qurultay panel müzakirələrlə davam edir.
 

Başqa məqalələr...

Səhifə 10 > 402-dən